حد فينا قبل كدا شاف الأنسان من جوا ؟
حد شاف تصوير لعملية او حتى انسان متمثل بجثته في التلفيزيون ؟
شفتوا الأنسان من جوا شكله عامل ازاي ؟
اقصد معدته و كبده و كليته و البضاعه اللي جوا دي كلها
اللي شاف المنظر دا اكيد محسش غير بأحساس واحد فقط ..
هو القرف او الأشمئزاز !!
طب انت مش واخد بالك ان دا انت بس من جوا ؟
دا الجزء اللي انت مش شايفه من نفسك ؟
و دي معدتك اللي بتطحنلك الزلط اللي بناكله ؟
و دي كليتك اللي بتصفيلك دمك من السموم اللي بناكلها و بنشربها في مصر المحروسة
و لو طلعت لجوا شوية هتلاقي رئتك اللي بتنقي الهوا المنيل بستين نيلة اللي بنتنفسه في المحروسة ؟
هي دي اعضاءك اللي لو واحد منها بس خد اجازة .. هتاخد انت اجازة مفتوحة بدون مرتب يا معلم ..
و رغم كل اهميتها .. الا ان فعلا منظرها مقرف !
نسيب الموضوع دا شوية ..
الكل عارف ان الأنسان عبارة عن جسد و روح .
لو كان جسدك فعلا مقرف ومقزز .. و غصب عنك مش بمزاجك .. ليه متحاولش تعادل الكفة ؟
عشان متكونش مجرد اسطوانة بشرالمزيد
